پاکستان شوبز انڈسٹری کے مشہور و معروف اداکار شان شاہد نے کہا ہے کہ پاکستان فلم انڈسٹری یتیم بچے کی طرح چل رہی ہے۔

حال ہی میں اپنے دیے گئے ایک انٹرویو میں اداکار شان شاہد کا کہنا تھا کہ سیاسی لوگوں کی گفتگو سن کر ایسا لگتا ہے کہ پنجابی فلمیں اب بچوں کی فلمیں ہیں۔

انہوں نے کہا کہ پاکستان فلم انڈسٹری یتیم بچے کی طرح چل رہی ہے، جب پاکستان اور بھارت کی ٹیمیں کرکٹ کھیلتی ہیں تو پھر فلمیں کیوں نہیں لگ سکتیں؟

یہ بھی پڑھیں: شان شاہد کے لئے سب سے اہم کیا؟ اداکار نے بتادیا

ان کا کہنا تھا کہ کشمیریوں پر ہونے والے ظلم پر بات کرنے کی اشد ضرورت ہے، لاک ڈاؤن میں ہم سے دن نہیں گنے جا رہے تھے تو کشمیر کی حالت کیا ہو گی؟ آزادی حاصل کرنا ہر ایک کا حق ہے۔

اداکار شان شاہد نے مزید کہا کہ عام آدمی کے حقوق آج صرف سیاستدانوں کے نعروں میں رہ گئے ہیں۔

یہ بھی پڑھیں: شان شاہد نے عامر خان کے ساتھ کام کرنے سے کیوں انکار کیا؟ اداکار نے بتادیا