پاکستان شوبز انڈسٹری کی معروف شخصیات نے بھی سابق صدر جنرل ریٹائرڈ پرویز مشرف کے انتقال پر افسوس کا اظہار کیا ہے۔

گلوکار و سماجی کارکن شہزاد رائے نے سماجی رابطے کی ویبسائٹ ٹوئٹر پر پرویز مشرف کے انتقال پر تعزیتی پیغام شیئر کیا ہے۔

اُنہوں نے اپنے ٹوئٹ میں سابق صدر کے لیے دعائے مغفرت کرتے ہوئے لکھا ہے کہ میں صدر مشرف کے اہلِ خانہ سے تعزیت کا اظہار کرتا ہوں۔

My condolences to the family of President Musharraf إِنَّا لِلَّٰهِ وَإِنَّا إِلَيْهِ رَاجِعُونَ

Advertisement

— Shehzad Roy (@ShehzadRoy) February 5, 2023

اداکارہ ماورا حسین نے اپنی انسٹا اسٹوری پر پرویز مشرف کے انتقال کی خبر پر افسوس کا اظہار کیا ہے۔

اُنہوں نے سابق صدر کے لیے دعائے مغفرت کرتے ہوئے لکھا ہے کہ اللّٰہ تعالیٰ انہیں جنت میں اعلیٰ مقام عطا کرے، آمین۔

اداکار فرحان سعید نے بھی اپنی انسٹا اسٹوری پر سابق صدر پرویز مشرف کے انتقال پر تعزیت کا اظہار کیا ہے۔

اداکارہ ایمن خان اور منال خان نے بھی اپنی انسٹا اسٹوریز پر پرویز مشرف کے انتقال پر افسوس کا اظہار کیا ہے۔

واضح رہے کہ سابق صدر جنرل ریٹائرڈ پرویز مشرف 79 برس کی عمر میں دبئی میں انتقال کر گئے۔

جنرل ریٹائرڈ پرویز مشرف طویل عرصے سے امریکن اسپتال دبئی میں زیرِ علاج تھے۔