پاکستان شوبز انڈسٹری کے مشہور و معروف اداکار فیصل قریشی نے اپنی پسندیدہ اداکارہ کے بارے میں بتادیا ہے۔

حال ہی میں اپنے دیے گئے ایک انٹرویو میں اداکار اور میزبان فیصل قریشی نے کہا کہ سجل علی ان کی پسندیدہ اداکارہ ہیں جس میں کسی قسم کا کوئی جادو ہے۔

انہوں نے کہا کہ معروف اداکارہ سجل علی کے ساتھ میں نے صرف ایک ہی سیریل کیا ہے لیکن واقعی ان کے اندر کوئی جادو ہے۔

فیصل قریشی کا شوبز ایوارڈ شوز سے متعلق اہم انکشاف

ایک انٹرویو میں اداکار فیصل قریشی کا کہنا تھا کہ لوگوں کو اپنی پرفارمنس کی وجہ سے ایوارڈ نہیں ملتے بلکہ اس میں لابی اور فیورٹ ازم کا چکر چلتا ہے۔

انہوں نے کہا کہ کسی کو بھی شوبز ایوارڈ ملنے میں شو آرگنائزر، چینلز اور اسپانسر برانڈز سب اپنا کردار ادا کرتے ہیں۔

یہ بھی پڑھیں: والد سے بچھڑنے کے بعد بہت تکلیف دہ وقت گزارا؛ فیصل قریشی

ان کا کہنا تھا کہ ایوارڈ شو کے اندر اپنے پسندیدہ فنکاروں کو جمع کر کے ایوارڈ سے نوازا جاتا ہے۔

اداکار فیصل قریشی نے مزید کہا کہ ایک زمانے میں وہ بھی فیورٹ رہے ہیں لیکن اب وہ اس کی پروا نہیں کرتے۔

یہ بھی پڑھیں: فیضان شیخ کا اداکار فیصل قریشی سے متعلق حیران کن انکشاف