معروف بالی ووڈ ڈائریکٹر کرن جوہر کا پاکستانی ہمشکل سامنے آگیا ہے۔

کرن جوہر کے پاکستانی ہمشکل کا نام عثمان خان ہے جو ایک بزنس مین ہے جبکہ ان کا تعلق اسلام آباد سے ہے۔

حال ہی میں عثمان خان نے نجی ٹی وی سے گفتگو کرتے ہوئے کہا کہ نہیں، میں کرن جوہر جیسا نہیں ہوں لیکن وہ میرے جیسا لگتا ہے۔

یہ بھی پڑھیں: کرن جوہر کی زیادہ معاوضہ لینے والے اداکاروں پر کڑی تنقید

ان کا کہنا تھا کہ یہ سچ ہے کہ میں جہاں بھی جاتا ہوں لوگ مجھے دیکھ کر چونک جاتے ہیں اور کہتے ہیں کہ میں کرن جیسا دکھتا ہوں۔

انہوں نے بتایا کہ میں نے کوئی سرجری نہیں کروائی، میں ایسا ہی ہوں، میں اکثر دوستوں کے ساتھ بلاگنگ کے لیے جاتا ہوں تو دوست کہتے ہیں کہ تم کرن جوہر کی طرح لگتے ہو۔

عثمان خان کا کہنا تھا کہ میں شروع میں کرن جوہر کو نہیں جانتا تھا، پھر میں نے گوگل کیا اور مجھے ان کے بارے میں معلوم ہوا، وہ کافی مشہور ہیں۔

یہ بھی پڑھیں: کرن جوہر نے خود کو عالیہ اور رنبیر کی بیٹی کا نانا قرار دے دیا

ان کا کہنا تھا کہ میں نے حقیقت میں کرن جوہر کو ٹویٹ کیا اور انہوں نے میری ٹویٹ کو ری ٹویٹ کیا اور مجھے جواب دیا کہ تم نے مجھے بے آواز کر دیا ہے۔

انہوں نے کہا کہ پیشے کے اعتبار سے میں ایک بزنس مین ہوں، میرا کرن جوہر کے ساتھ کافی پینے کا کوئی ارادہ نہیں ہے۔

عثمان خان کا کہنا تھا کہ ٹھیک ہے، کرن جوہر ایک مشہور آدمی ہیں وہ اپنی زندگی گزار رہے ہیں، میں اپنی زندگی میں خوش ہوں، مجھے نعتیں پڑھنے کا شوق ہے اور میں حافظ قرآن بھی ہوں۔

یہ بھی پڑھیں: کرن جوہر کو بالی ووڈ میں رشتہ کروانے والی آنٹی کہنے کی وجہ سامنے آ گئی