پاکستان کی معروف اداکارہ ثنا جاوید کو بولڈ ویڈیو شیئر کرنا مہنگا پڑگیا۔

حال ہی میں اداکارہ نے اپنے انسٹاگرام اکاؤنٹ پر ایک ویڈیو پوسٹ کی ہے جسے دیکھنے کے بعد وہ صارفین کی جانب سے شدید تنقید کا شکار ہیں۔

شیئر کی گئی ویڈیو میں دیکھا جاسکتا ہے کہ اداکارہ نے سیاہ رنگ کا نامناسب لباس زیب تن کیا ہوا ہے۔

ویڈیو پر سوشل میڈیا صارفین کی جانب سے تبصروں کا سلسلہ جاری ہے، ایک صارف کا کہنا ہے کہ ’ کپڑے تو اچھے پہن لیتیں، آپ سے ایسی توقع نہیں تھی‘۔

یہ بھی پڑھیں: نامور کلاتھنگ برانڈ نے ثنا جاوید کو اپنی تشہیری مہم سے الگ کردیا

ایک اور صارف کا کہنا ہے کہ ’ کیا یہ آپ ہیں؟ آپ تو میری پسندیدہ اداکارہ تھیں لیکن اب لگتا ہے کہ مجھے اپنی پسند بدل لینی چاہیے‘۔

اس سے قبل اداکارہ نے فوٹو اینڈ ویڈیو شئیرنگ ایپ انسٹا گرام پر چند تصاویر پوسٹ کی تھیں۔

شئیر کی گئی تصاویر میں ثنا جاوید کو خوبصورت لباس میں دیکھا گیا تھا جس میں وہ بے حد پیاری لگ رہی تھیں۔

یہ بھی پڑھیں: سوشل میڈیا صارفین کا ثنا جاوید پر پابندی کا مطالبہ؟

واضح رہے کہ پاکستان کی مشہور و معروف اداکارہ ثنا جاوید سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں جس کو مداحوں کی جانب سے خوب پسند بھی کیا جاتا ہے۔