بالی ووڈ کی اداکارہ اور مشہور ڈانسر نورا فتیحی نے کہا ہے کہ آڈیشنز بہت تکلیف دہ ہوتے تھے۔

حال ہی میں اپنے دیے گئے ایک انٹرویو میں نورا فتیحی نے فلم انڈسٹری میں گزارے تلخ دنوں کے بارے میں کھُل کر بات کی۔

انہوں نے کہا کہ آڈیشنز بہت تکلیف دہ ہوتے تھے کیونکہ شروع کے دنوں میں وہ ہندی سیکھ رہیں تھی۔

یہ بھی پڑھیں: نورا فتیحی نے معاشرے کے تلخ حقائق سے پردہ اُٹھا دیا

ان کا کہنا تھا کہ لوگ میرے چہرے پر ہنستے تھے اور میں رکشے میں بیٹھ کر روتی تھی جس پر ڈرائیور پوچھتا تھا کہ آپ ٹھیک تو ہیں؟

نورا نے بتایا کہ ایک ڈائریکٹر نے مجھ سے پوچھا کہ تم یہاں کیا کرنے آئی ہو؟ اس پر میں نے کہا کہ میں اداکاری کرنا چاہتی ہوں کیونکہ یہ میرا خواب ہے، میں ایک پرفارمر بن کر لوگوں کو خوش کرنا چاہتی ہوں لیکن ڈرائیکٹر نے کہا کہ انڈیا سے واپس چلی جاؤ۔

یہ بھی پڑھیں: نورا فتیحی نے محبت میں ناکامی کے بعد ڈپریشن کا مقابلہ کیسے کیا؟

انہوں نے کہا کہ یہ میرے لیے بہت تکلیف دہ تھا کیونکہ میں مراکش سے ہوں اور ہندی فلمیں دیکھ کر بڑی ہوئی ہوں، عرب لوگ شاہ رخ خان، امیتابھ بچن، کاجول اور مادھوری ڈکشت کو کافی پسند کرتے ہیں۔

یہ بھی پڑھیں: نورا فتیحی کس کی مداح ہیں؟ شو کے میزبان کو دلچسپ جواب