پاکستان کی مشہور ٹک ٹاک جوڑی کنول آفتاب اور ذوالقرنین سکندر کی بیٹی کے ہمراہ ویڈیو سوشل میڈیا پر وائرل ہو گئی ہے۔

حال ہی میں ٹک ٹاکر ذوالقرنین نے اپنے انسٹاگرام اکاؤنٹ پر چند ویڈیوز پوسٹ کی ہیں جنہیں مداحوں کی جانب سے خوب پسند کیا جارہا ہے۔

 شیئر کی گئی ویڈیو میں دیکھا جاسکتا ہے کہ کنول آفتاب نے بیٹی کو گود میں اٹھایا ہوا ہے اور ذوالقرنین سکندر کہتے ہیں کہ اب ماں باپ کے علاوہ بھی ایک شخص ہے زندگی میں جسے کھونے سے ڈر لگتا ہے۔

اس کے علاوہ ذوالقرنین سکندر نے ایک اور ویڈیو بھی پوسٹ کی ہے جس میں انہوں نے بیٹی کو اٹھایا ہوا ہے اور بھارت کے مشہور گانے ظالما پر لیپسنگ کر رہے ہیں۔

اس سے قبل  دونوں نے اپنی شادی کی پہلی سالگرہ منائی اور اس کی تصاویر اور ویڈیوز اپنے انسٹاگرام اکاؤنٹ پر شیئر کی تھیں۔

شیئر کی گئی تصاویر میں دیکھا گیا  کہ دونوں نے شادی کی پہلی سالگرہ بڑی دھوم دھام سے منائی اور اپنی ننھی شہزادی کو بھی خوب تیار کیا۔

تصاویر میں دیکھا گیا  کہ کنول آفتاب نے سنہرے رنگ کی ساڑھی اور ذوالقرنین سکندر نے سفید رنگ کی شرٹ اور سیاہ رنگ کا کوٹ پہنا ہوا اور اگر ان کی ننھی بیٹی کو دیکھیں تو اس نے کنول آفتاب کی ساڑھی جیسا رنگ زیب تن کیا ہوا ہے۔

دونوں نے ایک ویڈیو بھی شیئر کی تھی جس میں انہوں نے اپنی محبت کی کہانی بیان کی کہ کس طرح وہ 2020 میں ایک دوسرے سے ملے،2021 میں نکاح ہوا، 2022 میں رخصتی اور اب 2023 میں ان کے ہاں ننبی شہزادی کی پیدائش ہوئی۔

سوشل میڈیا پر ان کے مداحوں نے دونوں کو خوب مبارکباد دی اور ڈھیر ساری دعائیں بھی دیں۔