بالی ووڈ کی ورسٹائل اداکارہ تاپسی پنوں اس وقت  بڑی مشکل میں پھنس گئیں۔

 سوشل میڈیا رپورٹس کے مطابق ریاست مدھیہ پردیش کے شہر اندور میں اداکارہ کے خلاف بھارتیہ جنتا پارٹی (بی جے پی) کے ممبر قانون ساز اسمبلی مالنی گوڑ کے بیٹے ایکلویہ گوڑ کی مدعیت میں مقدمہ درج کیا گیا۔

ایکلویہ گوڑ نے تاپسی پنو پر الزام عائد کیا کہ اداکارہ نے ایک تقریب کے دوران نہ صرف نامناسب لباس زیب تن کیا بلکہ دیوی لکشمی والا لاکٹ بھی گلے میں پہنا جس سے ہمارے مذہبی جذبات مجروح ہوئے۔

تاپسی پنو نے کچھ روز قبل لیکمی فیشن ویک میں بطور شو اسٹاپر شرکت کی تھی۔ تقریب میں انہوں نے سرخ لباس کا انتخاب کیا تھا بلکہ دیوی لکشمی والا زیور پہنا تھا۔

یہ بھی پڑھیں: تاپسی پنو فوٹوگرافرز پر کیوں برس پڑیں؟ اداکارہ نے بتا دیا

انہوں نے انسٹاگرام پر ایک تقریب کے دوران بنائی گئی اپنی ویڈیو پوسٹ کی جو ان کے خلاف مقدمے کا باعث بنی۔

اندور پولیس کا کہنا ہے کہ معاملے کی تحقیقات کر رہے ہیں اس کے بعد ایکشن لیا جائے گا۔