پاکستان کی معروف اداکارہ رابعہ کلثوم اور مشہور اداکار وہاج علی کی تصاویر سوشل میڈیا پر وائرل ہو گئی ہیں۔

حال ہی میں پاکستان کی معروف اداکارہ رابعہ کلثوم نے اپنے انسٹاگرام اکاؤنٹ پر چند تصاویر پوسٹ کی ہیں جنہیں مداحوں کی جانب سے خوب پسند کیا جارہا ہے۔

شیئر کی گئی تصاویر میں اداکارہ رابعہ کلثوم کو اداکار وہاج علی کے ہمراہ دیکھا جاسکتا ہے۔

اس سے قبل ایک انٹرویو میں اداکارہ نے انکشاف کیا تھا کہ ان کی والدہ اداکارہ پروین اکبر کو ان کے شوبز میں کام کرنے پر اعتراض تھا۔

اداکارہ نے بتایا تھا کہ ان کی والدہ نہیں چاہتی تھیں کہ وہ انڈسٹری میں کام کریں، انہوں نے وجہ بتاتے ہوئے کہا والدہ جس وقت سے انڈسٹری میں کام کر رہی ہیں اس وقت اس شعبے میں لڑکیوں کا کام کرنا معیوب سمجھا جاتا تھا۔

ان کا کہنا تھا کہ اسی لیے ان کی والدہ کے دل میں ڈر تھا کہ انہوں نے جن چیزوں کا سامنا اپنے زمانے میں کیا ہے یا جن حالات سے وہ گزری ہیں، ان چیزوں اور حالات سے میری بیٹی کو بھی گزرنا پڑے گا۔

رابعہ کلثوم نے کہا تھا کہ ہر کام کرنے والی عورت کے مختلف تجربات ہوتے ہیں، کسی کے مثبت تو کسی کے منفی، اگر اس نظریے کو لے کر بات کریں تو میں اپنی والدہ کے فیصلے سے متفق ہوں۔

انہوں نے کہا تھا کہ اُن کا فیصلہ اس وقت بالکل صحیح تھا جس وقت میں نے آنے کی خواہش ظاہر کی تھی، یہی بنیادی وجہ تھی اور میں اس کا بہت احترام کرتی ہوں۔

دورانِ انٹرویو میزبان نے اداکارہ سے سوال کیا تھا کہ اعتراضات کے باوجود آپ انڈسٹری میں کیسے آئیں؟

 جواب میں اداکارہ کا کہنا تھا کہ ان کی شادی ہوگئی اور ان کے شوہر بہت ساتھ دینے والے انسان تھے، اس لیے انہیں مشکل نہیں ہوئی۔