چیئرمین پاکستان تحریک انصاف عمران خان کی سابقہ اہلیہ اور برطانوی پروڈیوسر جمائما گولڈ اسمتھ پاکستانی اداکارہ اشنا شاہ کی شادی پر افسردہ ہوگئیں۔

حال ہی میں اداکارہ اشنا شاہ نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر اپنی شادی کی تقریب کی ویڈیو اور تصاویر شیئر کیں جنہیں مداحوں کی جانب سے خوب پسند کیا جارہا ہے۔

اداکارہ نے ویڈیو کے کیپشن میں شوہر سے محبت کا اظہار کیا اور لکھا کہ ’میری نینو والے مہاراجہ سے شادی ہوگئی‘۔

انہوں نے اپنی فیملی اور دوستوں کا شکریہ ادا کرتے ہوئے لکھا کہ’دنیا کے مختلف مقامات سے میری خوشیوں میں شامل ہونے کے لیے آنے پر اپنے دوستوں اور خاندان والوں کی بہت مشکور ہوں‘۔

یہ بھی پڑھیں: اشنا شاہ نے شادی کے لباس پر تنقید کرنے والوں کو کھری کھری سنادی

 ویڈیو پر جمائما نے تبصرہ کیا اور اشنا کو “خوبصورت دلہن” قرار دے دیا۔

اس کے علاوہ جمائما نے لکھا کہ “میں بہت دکھی ہوں کیونکہ میں آپ کی شادی میں شریک نہیں ہوسکی، آپ سب کے لیے اور خاص طور پر آپ کی ساس کے لیے بہت سا پیار”۔

یہ بھی پڑھیں: اداکارہ اشنا شاہ کا اپنی شادی پر ڈانس؛ ویڈیو نے سوشل میڈیا پر تہلکہ مچادیا