پاکستان شوبز انڈسٹری کی معروف اداکارہ، میزبان اور ماڈل عفت عمر نے کہا ہے کہ پاکستان مسلم لیگ (ن) کی چیف آرگنائزر مریم نواز قدرتی خوبصورت ہیں۔

حال ہی میں اپنے دیے گئے ایک انٹرویو میں عفت عمر کا کہنا تھا کہ وہ مسلم لیگ (ن) کو نہیں بلکہ پاکستان ڈیموکریٹک موومنٹ (پی ڈی ایم) کی حمایت کرتی ہیں۔

انہوں نے کہا کہ وہ نہ صرف (ن) لیگ بلکہ پی ڈی ایم میں شامل پاکستان پیپلز پارٹی کی بھی حمایت کرتی ہیں اور ان کی شدید خواہش ہے کہ مذکورہ دونوں جماعتیں مل کر حکمرانی کریں۔

یہ بھی پڑھیں: میرے دل میں مریم نواز کے لئے سافٹ کارنر ہے، عفت عمر

ان کا کہنا تھا کہ اگر حکومت کی اجازت دینے والی قوتیں واقعی بھی (ن) لیگ اور پی پی کو حکومت کرنے دیں تو بہت کچھ تبدیل ہوسکتا ہے۔

عفت عمر نے کہا کہ پاکستان مسلم لیگ (ن) کی چیف آرگنائزر مریم نواز نے خوبصورتی بڑھانے کے لیے کچھ نہیں کیا، وہ قدرتی طور پر ہی اتنی خوبصورت ہیں۔

انہوں نے کہا کہ مسلم لیگ (ن) حالات پر قابو پانے میں ماہر اور عوام تک حکومت کے ثمرات پہنچانے میں تیز ہے جبکہ پالیسی بنانے میں پیپلز پارٹی کا کوئی ثانی نہیں اور اگر دونوں پارٹیوں کو حکومت کرنے دی جائے تو بہت کچھ تبدیل ہو سکتا ہے۔

یہ بھی پڑھیں: اداکارہ عفت عمر کی چیئرمین پی ٹی آئی پر ایک بار پھر تنقید

ان کا کہنا تھا کہ 26 سال سے عمران خان کو پروموٹ کیا جا رہا ہے اور اگر ان جیسی مارکیٹنگ کسی کی بھی کی جاتی تو وہ بھی وزیر اعظم بن سکتا تھا۔