سابقہ بھارتی اداکارہ ثناء خان کے ہاں پہلے بچے کی آمد متوقع ہے۔

حال ہی میں اپنے دیے گئے ایک انٹرویو میں ثناء خان نے بتایا کہ ان کے ہاں ننھے مہمان کی جلد آمد متوقع ہے۔

ان کا کہنا تھا کہ زندگی میں بہت سے اتار چڑھاؤ کا سامنا کرنا پڑا ہے لیکن یقینی طور پر ماں بننا ایک خوبصورت احساس ہے۔

واضح رہے کہ اکتوبر 2020 میں اداکارہ ثناء خان نے اسلام کی خاطر شوبز کو الوداع کہہ دیا تھا جبکہ نومبر 2020 میں انہوں نے مذہبی اسکالر مفتی انس سے شادی کی تھی۔

ثناء خان سوشل میڈیا پر کافی متحرک نظر آتی ہیں اور اکثر اپنی تصاویر اور ویڈیوز شیئر کرتی رہتی ہیں جس کو مداحوں کی جانب سے خوب پسند بھی کیا جاتا ہے۔