پاکستان کی معروف ٹک ٹاکر حریم شاہ نے کہا ہے کہ کسی انسان پر الزام لگانا بہت ہی آسان ہے لیکن اس الزام کو ثابت کرنا بہت زیادہ مشکل ہے۔

حال ہی میں اپنے دیے گئے ایک انٹرویو میں ٹک ٹاکر حریم شاہ نے کہا کہ میری شادی کی تصدیق نادرا سے یا پاکستان کے کسی بھی ادارے سے کروائی جاسکتی ہے۔

انہوں نے کہا کہ کسی پر بھی الزام لگانا بہت آسان ہے لیکن اس الزام کو ثابت کرنا اتنا ہی مشکل ہے۔

ان کا کہنا تھا کہ انہیں فلموں میں کام کرنے کا شوق تو نہیں لیکن انہیں بہت سے اداکار پسند ہیں جن کے ساتھ وہ کام کرنا چاہتی ہیں۔

یہ بھی پڑھیں: حریم شاہ کی غیر اخلاقی ویڈیوز کس نے لیک کیں؟ اداکارہ نے بتادیا

حریم شاہ نے بتایا کہ مجھے ٹک ٹاک سے شہرت حاصل ہوئی اس لیے مجھے ٹک ٹاکر کہا جاسکتا ہے، البتہ ٹک ٹاکر نہ ہوتی تو ٹیچر ہوتی کیونکہ ٹک ٹاک سے قبل میں ٹیچنگ کرتی تھی اور میرا پسندیدہ مضمون ہسٹری (تاریخ) تھا۔

انہوں نے کہا کہ سوشل میڈیا پر مکمل سچ نہیں دکھایا جاتا اور جب کوئی سچ کے ساتھ کھڑا ہوتا ہے تو اسے بھی کئی تنازعات کا سامنا کرنا پڑتا ہے۔

ایک روز کے لیے وزیراعظم بنانے کے سوال پر حریم شاہ نے جواب دیا کہ اگر مجھے ایک روز کے لیے وزیر اعظم بنایا گیا تو میں ہر چھوٹے بڑے کیلئے انصاف عام کردوں گی، اس دن میں امیر اور غریب سب کو ایک ہی ترازو میں تولوں گی، امیر وغریب کا جو امتیاز ہے اس کا فرق ختم کردوں گی۔

یہ بھی پڑھیں: حریم شاہ کی وائرل ویڈیو میں موجود شخص کون ہے ؟ اہم راز سے پردہ اٹھ گیا