بالی ووڈ کی معروف اداکارہ سشمیتا سین کی ہارٹ سرجری کے بعد پہلے ریمپ واک کی ویڈیو سوشل میڈیا پر وائرل ہو گئی ہے۔

حال ہی میں بالی ووڈ کی معروف اداکارہ سشمیتا سین نے اپنے انسٹاگرام اکاؤنٹ پر چند ویڈیوز پوسٹ کی ہیں جنہیں مداحوں کی جانب سے خوب پسند کیا جارہا ہے۔

یہ بھی پڑھیں: صحتیابی کے بعد سشمیتا سین کا پہلا ویڈیو بیان سامنے آگیا

شیئر کی گئی ویڈیوز میں اداکارہ سشمیتا سین کو پیلے رنگ کا خوبصورت لہنگا پہنے ریمپ پر واک کرتے ہوئے دیکھا جاسکتا ہے جبکہ بیک گراؤنڈ میں شہرۂ آفاق پاکستانی میوزِک شو کوک اسٹوڈیو کے سیزن 14 کا مشہور کلام ’توجھوم‘ بھی سنا جاسکتا ہے۔

ویڈیوز کے کیپشن میں بالی ووڈ کی معروف اداکارہ سشمیتا سین نے لکھا ہے  کہ ’نئی زندگی ملنے کی خوشی میں کی گئی یہ میری زندگی کی ایک یادگار ریمپ واک ہے‘۔

یہ بھی پڑھیں: معروف بھارتی اداکارہ سشمیتا سین سے متعلق انتہائی افسوسناک خبر

واضح رہے کہ کچھ دن پہلے سشمیتا سین نے اپنے انسٹاگرام اکاؤنٹ پرمداحوں کو آگاہ کیا تھا کہ انہیں دل کا دورہ پڑا ہے جس کے بعد انجیوپلاسٹی ہوئی تاہم اب اداکارہ بالکل ٹھیک ہیں۔