پاکستان شوبز انڈسٹری کی سینیئر اداکارہ عتیقہ اوڈھو نے کہا ہے کہ ایک سچا فنکار اپنی کارکردگی سے کبھی مطمئن نہیں ہوتا۔

حال ہی میں اپنے دیے گئے ایک انٹرویو میں اداکارہ عتیقہ اوڈھو کا کہنا تھا کہ اگر آپ اپنی کرافٹ پر پورے دل سے کام کرتے ہیں تو آپ کیلئے مواقع کبھی ختم نہیں ہوتے۔

انہوں نے کہا کہ ٹی وی پر تیراکی کا لباس پہننا ترقی نہیں بلکہ یہ ثقافتی طور پر ناقابلِ قبول ہے۔

ان کا کہنا تھا کہ میں اپنے آپ کو خوش نصیب سمجھتی ہوں کہ میں نے اسکرین پر وہ کردار ادا کیے جن کے خواب دیکھے تھے۔

یہ بھی پڑھیں: اداکارہ عتیقہ اوڈھو نے عمرے کی سعادت حاصل کرلی

اداکارہ عتیقہ اوڈھو نے کہا کہ ایک سچا فنکار اپنی کارکردگی سے کبھی مطمئن نہیں ہوتا، میں ابھی بھی اپنی کارکردگی کو مزید بہتر کرنے کی کوشش کرتی ہوں۔

ترکی ڈرامے ’کویو بیاز‘ کے متعلق اداکارہ کا کہنا تھا کہ ان کا اس شو میں ایک مختصر کردار ہے اور اس کردار نے ان کو باور کرایا کہ پاکستانی مواد کو کس طرح عالمی ناظرین کے سامنے پیش کیا جاسکتا ہے۔

انہوں نے مزید کہا کہ ہم مختلف ثقافتوں کے درمیان رہتے ہیں اور ہمیں ایک دوسرے کی منفرد ثقافت کا احترام کرنا چاہئے اسی طرح ہم اپنے معاشرے کو ترقی دے سکتے ہیں۔

یہ بھی پڑھیں: عتیقہ اوڈھو نے نوجوان خواتین کو اہم مشورہ دے دیا