معروف ماڈل و میزبان متھیرا نے کہا ہے کہ میں اپنے بچوں کو کوئی آن لائن گیم کھیلنے کی اجازت نہیں دیتی۔

حال ہی میں اپنے دیے گئے ایک انٹرویو میں متھیرا نے بتایا کہ میرے تین بیٹے ہیں لیکن دو بیٹوں کو مکمل طور پر میری والدہ نے پالا ہے کیونکہ میں اُس وقت ایک مشکل دور سے گزر رہی تھی۔

انہوں نے کہا کہ میں نے اپنے بچوں کو آرام دہ زندگی دینے کے لیے صرف کام اور کام کیا، اگرچہ میں اب اپنے تیسرے بیٹے کی پرورش خود کررہی ہوں جس سے میں کافی لطف اندوز بھی ہو رہی ہوں۔

یہ بھی پڑھیں: بیٹے کو ساتھ دیکھ کر لوگ سمجھتے ہیں کہ شاید یہ میرا ’بوائے فرینڈ‘ ہے، متھیرا

ان کا کہنا تھا کہ میں ہمیشہ اپنے بیٹوں کو مہربان ہونا سکھاتی ہوں۔

متھیرا نے کہا کہ میں اپنے بیٹوں کو کبھی پب جی اور دیگر آن لائن گیم کھیلنے کی اجازت نہیں دیتی کیونکہ اس سے بچے کسی غلط تعلقات میں پڑ سکتے ہیں جو کہ بہت خطرناک ہے۔

انہوں نے مزید کہا کہ میں نے دراصل اپنے بچوں کو بتایا ہے کہ پاکستان میں آن لائن گیمز دستیاب نہیں ہیں اور اس طرح وہ کنٹرول برقرار رکھے ہوئے ہیں۔

یہ بھی پڑھیں: متھیرا کا اپنے والد سے متعلق اہم انکشاف