بالی ووڈ کی معروف اداکارہ کرن کھیر کورونا وائرس کا شکار ہو گئی ہیں۔

حال ہی میں بھارت کی حکمران جماعت بھارتیہ جنتا پارٹی (بی جے پی) کی چندی گڑھ سے رکنِ پارلیمنٹ کرن کھیر نے اپنے ٹوئٹر اکاؤنٹ پر اپنے مداحوں کو آگاہ کیا ہے کہ وہ کورونا وائرس کا شکار ہوگئی ہیں۔

I have tested positive for Covid. So anyone who has come in contact with me please get yourself tested.

— Kirron Kher (@KirronKherBJP) March 20, 2023

کرن کھیر نے اپنے ٹوئٹ میں لکھا کہ ’میرا کورونا ٹیسٹ مثبت آیا ہے لہٰذا، جو لوگ بھی میرے ساتھ رابطے میں تھے براہ کرم اپنا کورونا ٹیسٹ کروائیں‘۔

اس سے قبل بالی ووڈ کی معروف اداکارہ کرن کھیر 2021ء میں بلڈ کینسر کی ایک قسم مائیلوما کا شکار ہوئی تھیں تاہم وہ صحتیاب ہوگئیں اور پھر سب سے زیادہ دیکھے جانے والے رئیلٹی شو ’انڈیاز گاٹ ٹیلنٹ‘ میں بطور جج نظر آئیں۔