پاکستان شوبز انڈسٹری کی مشہور و معروف اداکارہ ازیکا ڈینیئل نے اداکار ہمایوں سعید کے ساتھ کام کرنے کے خواہش ظاہر کردی ہے۔

حال ہی میں اداکارہ ازیکا ڈینیئل نے ایک نجی ٹی وی شو میں شرکت کی جہاں میزبان نے اُن سے کہا کہ مشہور ساتھی اداکاروں کو کوئی مشورہ دیں۔

میزبان نے اداکارہ کو چند آپشنز دیے جس میں ہمایوں سعید، عدنان صدیقی، فہد مصطفیٰ و دیگر اداکار شامل تھے۔

ازیکا ڈینیئل نے ہمایوں سعید کو مشورہ دیا کہ “اور اچھے پروجیکٹس بنائیں اور اس میں مجھے بھی کاسٹ کریں”۔

انہوں نے فہد مصطفیٰ سے متعلق کہا کہ انہیں بالکل بھی مشورہ نہیں دوں گی بلکہ ان سے مشورہ لوں گی جبکہ فواد خان سے کہوں گی آئیں ہمارے ساتھ ٹی وی پر کام کریں۔

عدنان صدیقی سے متعلق ازیکا ڈینیئل کا کہنا تھا کہ معاف کردیں میں ان کو کوئی مشورہ نہیں دے سکتی۔

دورانِ انٹرویو اداکارہ نے بتایا کہ وہ ایکٹنگ سے قبل ٹیچر اور ایئر ہوسٹس رہ چکی ہیں۔

انہوں نے کہا کہ ایک بار کوئٹہ سے کویت کی فلائٹ میں بادل گرجے اور فلائٹ میں ایسا لگا جیسے دھماکا ہوگیا ہو، اس کے بعد میں نے فیصلہ کیا کہ اب یہ نوکری چھوڑ دینی ہے۔

ان کا کہنا تھا کہ وین مجھے لینے آئی اور میں نے منع کردیا وہ پھر مجھے لینے آئی میں ںے پھر منع کردیا پھر مجھے نوکری سے نکالے جانے کا نوٹس موصول ہوگیا۔

یہ بھی پڑھیں: شو کی شوٹنگ کے دوران نامور پاکستانی اداکارہ کے ساتھ ایسا کیا ہوا جس پر وہ روتے ہوئے شو چھوڑ کر چلی گئیں