عالمی شہرت یافتہ پاکستانی گلوکار عاصم اظہر پہلی بار ویب سیریز میں جلوہ گر ہونے کو تیار ہیں۔

حال ہی میں ڈرامے کے ہدایت کار معروف میزبان و اداکار فہد مصطفیٰ نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر نئے ڈرامے “فیملی بزنس” کا ٹریلر جاری کیا۔

فیملی بزنس میں گلوکار عاصم اظہر پہلی بار مرکزی کردار نبھائیں گے۔

ڈرامے میں عاصم اظہر کے علاوہ سینئر اداکار سیف حسن اور سلمیٰ حسن بھی کاسٹ میں شامل ہیں۔

ڈرامے کی کہانی ایک فیملی کی ہے جو نیا کاروبار شروع کرنے کی کوشش میں رہتی ہے۔

جاری ٹریلر میں دکھایا گیا ہے کہ عاصم اظہر کے والد کا کردار ادا کرنے والے اداکار سیف حسن ریٹائرمنٹ کے قریب ہیں اور وہ مستقل میں اپنی فیملی کے مالی اخراجات کے بارے میں فکر مند ہیں۔

ٹریلر میں یہ بھی دکھایا گیا کہ عاصم اظہر ایک ٹیکنالوجی ایپ بنانا چاہتے ہیں جس کے ذریعے لوگ تازہ سبزی گھر بیٹھے آرڈر کرسکتے ہیں۔

اس ڈرامے میں ماہ نور حیدر، بشریٰ حبیب اور حسین محسن بھی شامل ہیں جبکہ یہ ڈرامہ رواں سال رمضان میں ریلیز ہوگا۔

“واضح رہے کہ اس سے قبل گلوکار عاصم اظہر آئی ایس پی آر کے ڈرامہ سیریل “صنفِ آہن میں نظر آئے تھے۔