معروف بھارتی یوٹیوبر آگستے چوہان موٹر سائیکل حادثے میں جان کی بازی ہار گیا ہے۔

میڈیا کے مطابق معروف بھارتی یوٹیوبر آگستے چوہان کے ساتھ جان لیوا حادثہ اس وقت پیش آیا جب وہ آگرہ سے دہلی بذریعہ یمنا ایکسپریس وے سفر کر رہا تھا۔

میڈیا کا کہنا ہے کہ حادثہ تیز رفتاری کے باعث پیش آیا، یوٹیوبر سپر بائیک پر 300 کلو میٹر فی گھنٹہ کی رفتار سفر کرنے کی کوشش کر رہا تھا اور اپنے یوٹیوب چینل کے لیے ویڈیو ریکارڈنگ میں بھی مصروف تھا کہ حادثہ پیش آگیا۔

  بھارتی میڈیا کا کہنا ہے کہ یوٹیوبر نے تیز رفتار بائک پر سے کنٹرول کھو دیا تھا، حادثے کے نتیجے میں یوٹیوبر کا ہیلمٹ بھی ٹکڑے ٹکڑے ہوگیا اور اس کی موت سر پر چوٹ لگنے کے باعث ہوئی۔

ان کی موت کی خبر حادثے کے کچھ ٹائم بعد ہی سوشل میڈیا پر پھیل گئی، جس کے بعد سے ان کے فالورز رنج و غم میں مبتلا ہیں اور ایک دوسرے کو تیز رفتاری سے بعض رہنے کا مشورہ دے رہے ہیں۔

واضح رہے کہ یوٹیوبر تیز رفتارگاڑیوں اور بائکس کا سفر کرتے ہوئے ویڈیو ریکارڈز کیا کرتے تھے اور ان کے 1.2 بلین سبسکرائیبرز ہیں۔