بالی ووڈ فلم انڈسٹری کے مشہور و معروف اداکار عامر خان نے فلموں کی ناکامی کے بعد اپنی زندگی کا انتہائی اہم فیصلہ کرلیا ہے۔

بھارتی میڈیا کے مطابق اداکار عامر خان نے فلموں سے عارضی وقفہ لے لیا ہے جبکہ وہ کچھ وقت گزارنے کے لیے بھارت سے باہر چلے گئے ہیں۔

عامر خان وپاسنا میڈیٹیشن پروگرام کے سلسلے میں شرکت کے لیے نیپال روانہ ہوئے، وہاں وہ تقریباً 10 دن رہیں گے اور اسی سلسلے میں انہوں نے فلموں سے عارضی وقفہ لے لیا ہے۔

نیپال میں موجود مذکورہ میڈیٹیشن پروگرام کی ترجمان روپ جوتی نے تصدیق کی تھی کہ عامر خان اس وقت نیپال میں ہی ہیں۔

عامر خان کی جانب سے یہ اعلان نہیں کیا گیا کہ وہ مزید کتنے دن کا وقفہ لیں گے تاہم یہ واضح ہے کہ بالی ووڈ کے مسٹر پرفیکشنسٹ نے گزشتہ برس اپنی فلم لال سنگھ چڈھا کی ریلیز کے بعد اعلان کیا تھا کہ وہ فلموں سے بریک لیں گے۔