اداکار رنویر سنگھ اور اداکارہ عالیہ بھٹ پر فلمایا جانے والا آئٹم نمبر ’’واٹ جھمکا‘‘ جو کہ ان کی آنے والی فلم راکی اور رانی کی پریم کہانی کا حصہ ہے ریلیز کردیا گیا ہے۔

راکی اور رانی کی پریم کہانی کا دوسرا گانا واٹ جھمکا ریلیز ہو گیا ہے جو کہ ایک گرووی ڈانس نمبر ہے، جو کسی بھی پارٹی کے لیے بہترین ہے۔

واٹ جھمکا کے میوزک ویڈیو میں عالیہ بھٹ اور رنویر سنگھ کے پرجوش ڈانس مووز دکھائے گئے ہیں جو کہ یقینی طور پر دیکھنے والے کو متاثر کرے گا۔

اس گانے کو اریجیت سنگھ اور جونیتا گاندھی نے گایا ہے جبکہ اس کے بول امیتابھ بھٹاچاریہ نے لکھے ہیں۔ مدن موہن اور پریتم میوزک کمپوزر ہیں، جب کہ ڈانس گنیش اچاریہ نے کوریوگراف کی ہیں۔

اس گانے میں مشہور گانے جھمکا گیرا رے کے کچھ الفاظ بھی شامل کیے گئے ہیں جو کہ بدھ کو رات 12 بجے یوٹیوب پر لائیو ریلیز کیا گیا ہے۔

خیال رہے کہ عالیہ بھٹ اور رنویر سنگھ کی اداکاری والی راکی ​​اور رانی کی پریم کہانی چند ہفتوں میں ریلیز ہونے والی ہے۔ اس سے پہلے میکرز نے چند روز قبل اس کا ٹریلر جاری کرکے ناظرین کے تجسس میں اضافہ کرتے ہوئے کچھ دن اس فلم کا پہلا گانا ’’ تم کیا ملے ‘‘ بھی ریلیز کیا گیا جسے بہت پسند بھی کیا جارہا ہے۔

واضح رہے کہ راکی اور رانی کی پریم کہانی 28 جولائی 2023 کو بڑے پردے پر ریلیز کی جائیگی۔