پنجاب کی معروف اداکارہ شہناز گل، جنہوں نے حال ہی میں بالی ووڈ میں ڈیبیو کیا ہے، کو ان کی معصومیت اور انداز کی وجہ سے بہت پسند کیا جاتا ہے۔

حال ہی میں اداکارہ نے اپنی دلہن کے لباس میں ایک ویڈیو شیئر کی ہے جس میں وہ روایتی انداز کا لہنگا پہنی ہوئی نظر آرہی ہیں۔

اس ویڈیو میں شہناز گل کو مختلف پوز دیتے ہوئے دیکھا جاسکتا ہے جس کے پس منظر میں پاکستانی گانا ’کہانی سنو‘ بھی چل رہا ہے۔

اداکارہ نے اس ویڈیو کو شیئر کرتے ہوئے خود سے محبت کا اظہار کیا اور کیپشن میں لکھا ، ’’i love myself ‘‘۔

خیال رہے کہ شہناز گل نے حال ہی میں نوازالدین صدیقی کے ساتھ میوزک ویڈیو یار کا ستایا ہوا ہے میں کام کیا ہے ۔

اگرچہ اس گانے نے مقبولیت حاصل کی ہے، لیکن شہناز کو اس میں مبینہ طور پر اوور ایکٹنگ کرنے پر ٹرولنگ کا سامنا کرنا پڑا ہے۔ بہت سے لوگوں نے نشاندہی کی ہے کہ گانے میں صرف نوازالدین ہی بہتر پرفارمنس پیش کر رہے ہیں۔

بالی ووڈ کی بات کریں تو، شہناز نے بھی سلمان خان اسٹارر کسی کا بھائی کسی کی جان سے بالی ووڈ میں قدم رکھا جس میں پلک تیواری، راگھو جوئیل، سدھارتھ نگم، پوجا ہیگڑے اور دیگر اداکاروں کے ساتھ تھے۔