بالی ووڈ فلم انڈسٹری کی مشہور و معروف اداکارہ جھانوی کپور اپنی مرحوم والدہ سری دیوی کی یاد کرنے لگیں۔

اداکارہ جھانوی کپور آج کل اپنی نئی فلم ‘بوال’ کی پروموشن میں مصروف ہیں جبکہ ان کی پہلی فلم ‘دھڑک’ 2018 میں ریلیز ہوئی تھی لیکن سری دیوی اپنی صاحبزادی کی یہ کامیابی نہیں دیکھ سکی تھیں۔

فلم ‘بوال’ کی پروموشن کے دوران جھانوی کپور نے اپنی والدہ کو یاد کرنے لگیں اور انہوں نے والدہ کے انتقال کے بعد کی کیفیت کو زندگی کے سفر میں اب تک کی سب سے بڑی جنگ قرار دے دیا۔

اداکارہ کا بھارتی میڈیا کو انٹرویو دیتے ہوئے کہنا تھا کہ میں ‘دھڑک’ کی عکسبندی میں مصروف تھی اور اس وقت والدہ کا انتقال ہوا تھا۔

انہوں نے کہا کہ کام جاری رکھنے کیلئے ہمت برقرار رکھنا اور ان تمام معاملات سے نمٹنا بہت مشکل تھا، اسی کیفیت سے باہر نکلنا میری زندگی کی سب سے بڑی جنگ تھی۔

واضح رہے کہ رواں برس 25 فروری کو دبئی میں حرکت قلب بند ہونے کے باعث  سری دیوی مداحوں سے بچھڑ گئی تھیں، لیکن ان کی یادیں اب بھی لوگوں کے دلوں میں زندہ ہیں۔