بالی ووڈ کی نامور حسیناؤں میں شمار کی جانے والی معروف ڈانسر، اداکارہ اور ماڈل ملائکہ اروڑا آج کل باکو میں سیر و تفریح کے لئے موجود ہیں۔

ملائکہ روزانہ کی بنیاد پر اپنے باکو میں گزارے جانے والے دن کی تصاویر سوشل میڈیا پر شیئر کرتی ہوئی نظر آرہی ہیں اور آج بھی ایک خوبصورت دن کی کچھ تصاویر انہوں نے اپنے مداحوں کے ساتھ شیئر کی ہیں۔

تصاویر میں اداکارہ کو اپنے دوستوں کے ساتھ دیکھا جاسکتا ہے اور اندازہ لگایا جاسکتا ہے کہ وہ ہر منظر سے بہت لطف اندوز ہورہی ہیں۔

ملائکہ اروڑا نے اس سفر میں اپنے اندر چھپی باربی کو بھی پیش کیا جس کے لئے انہوں نے گلابی کوآرڈ سیٹ میں اپنی ایک تصویر شیئر کی اور ہیش ٹیگ میں لکھا، “باربی اروڑا”۔

خیال رہے کہ ملائکہ اروڑا کی محبت اب کوئی راز نہیں رہی ہے۔ اس سال کے آغاز میں، اداکارہ اپنے بیو، اداکار ارجن کپور کے ساتھ یورپ گئی تھیں۔ ان کی ساتھ تصاویر نے ان کے محبت کی داستان بیان کردی تھی۔