بالی ووڈ کے معروف اداکار سنجے دت نے بیٹی ترشالا دت سے ناراضگی کی اہم وجہ بتادی ہے۔

   بھارتی میڈیا کے مطابق  35 سالہ ترشالا دت اپنے والد کے نقشِ قدم پر چلتے ہوئے  فلم انڈسٹری میں جگہ بنانے کی خواہش مند تھی جس کی وجہ سے سنجے دت اپنی بیٹی سے ناراض ہو گئے۔

اداکار سنجے دت نے بیٹی ترشالا دت کے حوالے سے بات کرتے ہوئے کہا کہ ترشالا اداکارہ بننا چاہتی تھی جو کہ مجھے پسند نہیں تھا، میں اپنی بیٹی سے اس وقت تک ناراض رہا جب تک انہوں نے اپنا ارادہ تبدیل نہیں کیا۔

سنجے دت نے کہا کہ ترشالا نے  فرانزک سائنس پڑھی ہے جس کی وجہ سے میں انہیں امریکا میں فیڈرل بیورو آف انویسٹی گیشن (ایف بی آئی) میں شامل کرنا چاہتا ہوں۔

اداکار نے کہا کہ مجھے آج تک سمجھ نہیں آیا کہ وہ یہ فیلڈ چھوڑ کر اداکارہ کیوں بننا چاہتی تھی۔

انہوں نے کہا کہ انڈسٹری میں آنے کے لیے آپ کو انڈسٹری کی زبان جاننا ضروری ہے۔ خدا ہی جانتا ہے کہ اسے یہ خیال کہاں سے آیا لیکن اب نہیں ہے اور  مجھے امید ہے کہ وہ جلد ہی ایف بی آئی میں شامل ہو جائے گی۔

واضح رہے کہ ترشالا دت سنجے دت کی  پہلی بیوی آنجہانی رچا شرما کی بیٹی ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/335457/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/335457/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں