معروف پاکستانی ٹک ٹاکر و اداکارہ رومیسہ خان نے کہا ہے کہ میں عوامی شخصیت ہوں لیکن کسی کی پبلک پراپرٹی نہیں ہوں۔

حال ہی میں اداکارہ رومیسہ خان نے سماجی پلیٹ فارم تھریڈز میں پوسٹ کرتے ہوئے کہا کہ عوامی شخصیت ہونا آسان کام نہیں ہے۔

انہوں نے بتایا کہ میری ماں آئی سی یو (انتہائی نگہداشت یونٹ) میں انتہائی درد اور تکلیف میں ہے اور وہ اپنی زندگی کی جنگ لڑ رہی تھیں اور میں ان کی صحت کے لیے رو کر دعا مانگ رہی تھی اور دوسری طرف اسپتال کی نرسز میری ویڈیوز بنا رہی تھیں اور مجھ سے سیلفی کی فرمائش کررہی تھیں، یہ انتہائی غیر اخلاقی حرکت ہے۔

ان کا کہنا تھا کہ تقریبات اور مالز میں سیلفی اور ویڈیو کے لیے میں کبھی منع نہیں کروں گی لیکن ایسے حساس حالات میں براہ مہربانی سلیقہ سیکھیں۔

رومیسہ خان نے مزید کہا کہ لوگ بہت بے حس ہیں، میں جانتی ہوں کہ میں عوامی شخصیت ہوں لیکن میں کسی کی پبلک پراپرٹی نہیں ہوں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/342114/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/342114/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں