پاکستان شوبز انڈسٹری کے مشہور و معروف اداکار عمران عباس کی نئی تصویر نے مداحوں کو کشمکش میں مبتلا کردیا ہے۔

حال ہی میں اداکار عمران عباس نے سوشل میڈیا کی فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی جس میں اُن کو ایک خاتون کے ساتھ بیٹھے دیکھا جا سکتا ہے۔

شیئر کی گئی تصویر کے کیپشن میں اداکار نے لکھا کہ ’میری زندگی میں پسندیدہ لوگوں کی فہرست زیادہ لمبی نہیں ہے لیکن یقیناً میرے ساتھ بیٹھی خاتون ہمیشہ میری فہرست میں ٹاپ لسٹ پر رہی ہیں’۔

عمران عباس نے لکھا کہ ’نیشنل کالج آف آرٹس کی سابقہ پرنسپل اور فیض احمد فیض صاحب کی بیٹی سلیمہ ہاشمی کے ساتھ’۔

اداکارہ کی تصویر کو مداحوں کی جانب سے خوب پسند کیا جارہا ہے۔

معروف اداکار مختلف ڈراموں میں اپنی بہترین اداکاری کے جوہر دکھا چکے ہیں۔