اداکار رنویر سنگھ اور اداکارہ عالیہ بھٹ کی نئی فلم ’راکی اور رانی کی پریم کہانی‘ کے نئے گانے نے دھوم مچادی ہے۔

کرن جوہر کی ہدایتکاری میں بننے والی فلم ’راکی اور رانی کی پریم کہانی‘ کے اب تک جاری ہونے والے تمام گانوں نے شائقین کو متاثر کیا ہے اور اس نئے گانے کو بھی اسی نوعیت کی مقبولیت مل رہی ہے۔

اس ٹریک کو پریتم نے کمپوز کیا ہے جبکہ گانے کے بول امیتابھ بھٹاچاریہ نے لکھے ہیں۔ درشن راول اور بھومی ترویدی نے گانے کے لیے آوازیں دی ہیں۔ ڈھنڈورا باجے رے کی شوٹنگ بڑے سیٹس پر کی گئی ہے جو درگا پوجا کی شان کو ظاہر کرتی ہے۔

گانے کا ایک مختصر ٹیزر گزشتہ روز ریلیز کیا گیا جس میں مرکزی اداکار رنویر اور عالیہ کو سرخ روایتی لباس میں پرجوش انداز میں رقص کرتے دیکھا جا سکتا ہے۔

خیال رہے کہ میکرز کی جانب سے پہلے ہی اس گانے کا ٹیزر اور ٹریلر ریلیز کئے جا چکے ہیں جسے عوام کی جانب سے مثبت ردعمل ملا ہے۔

دوسری جانب اداکار رنویر سنگھ اور عالیہ بھٹ اپنی آنے والی فلم راکی ​​اور رانی کی پریم کہانی کی تشہیر میں مصروف ہیں۔

مارکیٹنگ مہم کے لیے اپنے دونوں ستارے پہلے ہی بڑودہ، دہلی، کانپور جا چکے ہیں اور اطلاعات کے مطابق وہ اب کلکتہ کا رخ کر چکے ہیں جہاں رنویر اور عالیہ مبینہ طور پر فلم ڈھنڈورا باجے رے کے نام سے اپنا نیا گانا لانچ کریں گے۔

واضح رہے کہ کرن جوہر کی ہدایت کاری میں بنی راکی ​​اور رانی کی پریم کہانی 28 جولائی کو ریلیز ہوگی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/406505/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/07/406505/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں