پاکستان کے معروف اداکار اعجاز اسلم نے شوبز انڈسٹری سے متعلق شرمناک انکشاف کیا ہے۔

حال ہی میں پاکستان کے معروف اداکار اعجاز اسلم نے ایک پوڈ کاسٹ میں شرکت کی جہاں انہوں نے شوبز انڈسٹری میں پائے جانے والے کاسٹنگ کاؤچ کلچر سے پردہ اٹھایا۔

انہوں نے کہا کہ جس وقت میں نے ماڈلنگ شروع کی تھی اس وقت مرد ماڈلز کے لیے فیشن کی دنیا میں کام کرنا آسان نہیں تھا، اُس وقت نئے ماڈلز کو کیریئر بنانے کے لیے بہت مشکلات کا سامنا کرنا پڑتا تھا اور اُن کے لیے اس وقت کے حالات بتانا مشکل ہے۔

اعجاز اسلم نے کہا کہ جب میں نے ماڈلنگ شروع کی تھی تو اُس وقت مرد ماڈلز کو ’کاسٹنگ کاؤچ‘ کی بہت آفرز کی جاتی تھیں اور اُس وقت کاسٹنگ کاؤچ کا رجحان عام تھا۔

اداکار نے کہا کہ اُس وقت میں نے اور بہت سارے پرانے ساتھیوں نے ’کاسٹنگ کاؤچ‘ کے رجحان کا ڈٹ کر مقابلہ کیا تھا۔

انہوں نے کہا کہ میں نے اپنے کریئر کے آغاز میں کاسٹنگ کاؤچ جیسے نامناسب مطالبات کو تسلیم کرنے سے انکار کیا تھا جس کی وجہ سے مجھے کئی بار کام سے بھی ہاتھ دھونا پڑا تھا۔

اعجاز اسلم نے کہا کہ جب مجھ سمیت میرے کئی  دوستوں نے ’کاسٹنگ کاؤچ‘ کی حوصلہ شکنی کی تو انڈسٹری کے لوگ بھی سمجھ گئے کہ ہم لڑکے اِن کے ہاتھ آنے والے نہیں ہیں اور پھر نامناسب مطالبات کرنے والوں نے ہم سے احتیاط برتنا شروع کر دی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/467174/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/467174/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں