پاکستان شوبز انڈسٹری کی مشہور و معروف اداکارہ نیمل خاور نے اپنی خوبصورتی کا راز بتادیا ہے۔

حال ہی میں اداکارہ نیمل خاور نے اپنے دیے گئے ایک انٹرویو میں کہا کہ اگر آپ کو اپنی جِلد میں نکھار چاہیے تو پھر اچھی کوالٹی کا بادام کا تیل، ناریل کا تیل اور زیتون کا تیل استعمال کریں، یہ تینوں تیل آپ نے پینے نہیں ہیں بلکہ انہیں اپنے چہرے پر لگا کر مساج کرنا ہے۔

انہوں نے کہا کہ ان کی والدہ ہمیشہ سے خالص تیل سے ان کے چہرے کا مساج کرتی رہی ہیں جس پر وہ آج بھی عمل کر رہی ہیں، خالص تیل چہرے کو صاف کردیتے ہیں اور نکھار پیدا کرتے ہیں۔

ان کا کہنا تھا کہ اپنے چہرے کو ہر وقت موئسچرائز کرنے کی عادت بنا لیں، اب چاہے آپ اپنے چہرے پر کوئی کریم لگائیں یا پھر عرق گلاب کا اسپرے کریں۔

نیمل خاور کے مطابق وہ کبھی بھی غیر ضروری میک اَپ نہیں کرتیں کیونکہ ان کا ماننا ہے کہ میک اَپ چہرے کے لیے نقصان دہ بھی ہوسکتا ہے، اس لیے جب بھی میک اَپ کریں، اسے سونے سے قبل اچھے میک اَپ ریموور سے ہٹالیں۔

انہوں نے کہا کہ میک اَپ کے ساتھ کبھی بھی سونے کی غلطی نہ کریں، کچھ خواتین پارٹی سے واپس گھر آکر میک اَپ نہیں اتارتیں اور ایسے ہی صبح تک سو جاتی ہیں، ایسی خواتین اپنے چہرے کے ساتھ ظلم کر رہی ہیں۔

ان کا مزید کہنا تھا کہ اچھی اسکن کے لیے ضروری ہے کہ روزانہ خوب پانی پئیں اور چائے یا کافی کا استعمال بالکل ختم کردیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/487588/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/487588/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں