پاکستان کی مشہور اداکارہ و ٹک ٹاکر رومیسہ خان نے اپنے ماضی سے متعلق اہم انکشاف کیا ہے۔

حال ہی میں پاکستان کی مشہور اداکارہ و ٹک ٹاکر رومیسہ خان نے ایک انٹرویو میں اپنے ماضی سے متعلق گفتگو کرتے ہوئے کہا کہ پاپا کے انتقال کے بعد گھریلو حالات بہت خراب ہو گئے، پیسوں کی تنگی کی وجہ سے میں نے اسکول میں خاتون ٹیچر کے طور پر نوکری کی۔

انہوں نے کہا کہ میرے والد کو کینسر تھا مگر جب تک وہ تھے انہوں نے ہمیں کوئی پریشانی و تکلیف نہیں آنے دی۔ مگر ان کے انتقال کے بعد میں نے ٹیچنگ شروع کر دی، دوسری بہنوں اور بھائیوں نے بھی کام کاج کرنا شروع کر دیا تاکہ گھر میں کچھ پیسے آجائیں جس سے ہماری پڑھائی اور گھریلو اخراجات پورے ہو سکیں۔

رومیسہ خان نے کہا کہ کچھ عرصہ تک حالات یوں ہی چلتے رہے مگر پھر اللہ پاک کا کرنا ایسا ہوا کہ ایک بہن برانچ مینجر بن گئی تو دوسری طرف بھائی کو بھی نوکری میں ترقی مل گئی اور میں میڈیا فیلڈ میں آگے بڑھنے لگی۔ اب اکثر ذہن میں یہی خیال ابھرتا ہے کہ ہم اس قابل نہ تھے جتنا اللہ پاک نے نواز دیا۔

واضح رہے کہ رومیسہ خان کے والد کا تعلق بھی میڈیا انڈسٹری سے تھا۔ وہ اسٹیج پر اداکاری کرتے، ڈرامے لکھتے اور پڑوسی ملک بھارت کے کامیڈی شو میں بھی انہوں نے اپنے فن کاجادو جگایا۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/529401/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/529401/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں