برطانوی پروڈیوسر اور پاکستان تحریکِ انصاف کے چیئرمین کی سابق اہلیہ جمائمہ گولڈ اسمتھ کی فلم ’واٹس لو گاٹ ٹو ڈو وِد اِٹ‘ نے 4 نیشنل ایوارڈ اپنے نام کر لیے۔

جمائمہ گولڈ اسمتھ نے انسٹاگرام پر تصاویر شیئر کرتے ہوئے ہوئے مداحوں کو اس اچھی خبر سے آگاہ کیا کہ ان کی فلم نے مختلف کیٹیگریز میں ایوارڈز جیت لیے ہیں۔

جمائمہ کی فلم ’واٹس لو گاٹ ٹو ڈو وِد اِٹ‘ نے بہترین اسکرین پلے، بہترین برطانوی فلم، بہترین ہدایتکار اور بہترین سپورٹنگ ایکٹر کا ایوارڈ حاصل کیا ہے۔

جمائمہ گولڈ اسمتھ نے لکھا کہ کوئی بھی اپنی تعریف خود نہیں کرنا چاہتا، لیکن ہماری فلم نے چار نیشنل فلم ایوارڈزجیت لیے ہیں میں بہت شکرگزار اور خوشی محسوس کر رہی ہوں۔</p >

انہوں نے اپنی اس پوسٹ میں اپنی ٹیم کا شکریہ ادا کرتے ہوئے انہیں کامیابی سمیٹنے پر شاباشی بھی دی۔

واضح رہےکہ جمائمہ کی اس فلم میں پاکستان کے رسم و رواج اور ثقافت کی عکاسی کی گئی ہے جبکہ اس فلم میں پاکستان کی مشہور اداکارہ سجل علی نے مرکزی کردار ادا کیا تھا۔