پاکستان شوبز انڈسٹری کے مشہور و معروف اداکار میکال ذوالفقار نے اداکارہ ماہرہ خان سے متعلق اہم انکشاف کردیا ہے۔

حال ہی میں اپنے دیے گئے ایک انٹرویو میں اداکار میکال ذوالفقار نے متعدد معاملات پر بات کرنے سمیت شوبز اور اپنے منصوبوں پر بھی کھل کر بات کی۔

انہوں نے کہا کہ انہیں اداکارہ صبا قمر کے ساتھ کام کرنا اچھا لگتا ہے اور انہیں لگتا ہے کہ وہ ان کے ساتھ بہترین انداز میں لیڈ کردار ادا کر سکتے ہیں۔

دوران انٹرویو میزبان نے ان سے سوال کیا کہ وہ کون سی شخصیت ہوگی جسے میکال ذوالفقار بطور میزبان اپنے شو میں نہیں بلانا چاہیں گے؟

اس پر انہوں نے ماہرہ خان کا نام لیا اور ساتھ ہی مسکراتے ہوئے کہا کہ کیوں کہ وہ آئیں گی ہی نہیں۔

ان کا کہنا تھا کہ انہوں نے ماہرہ خان کو متعدد منصوبوں میں کام کرنے کی پیشکش کر رکھی ہے لیکن وہ نہیں مانتیں اور انہیں راضی کرنا مشکل کام ہے۔

میکال ذوالفقار نے شکوہ کیا کہ متعدد بار پیش کش کرنے کے باوجود ماہرہ خان ان کے ہمراہ کام کرنا نہیں چاہتیں۔

ایک سوال کے جواب میں انہوں نے بتایا کہ میں نے پیسے کے چکر میں کچھ ایسے اشتہارات میں بھی کام کیا جن میں انہیں کام نہیں کرنا چاہیے تھا۔

انہوں نے اشتہارات اور برانڈز کا نام لینے سے گریز کرتے ہوئے کہا کہ ان کا نام لینے سے کمپنیوں کا نقصان ہوسکتا ہے۔

میکال ذوالفقار نے اشارہ دیا کہ انہیں لگتا ہے کہ انہیں پراپرٹیز کے کچھ اشتہارات میں کام نہیں کرنا چاہیے تھا لیکن انہوں نے پیسوں کے چکر میں ان کام کیا۔

ایک اور سوال کے جواب میں انہوں نے تسلیم کیا کہ وہ ماضی میں بہت مذاق کیا کرتے تھے، تاہم اب وہ ایسے نہیں رہے۔