اداکارہ سمانتھا روتھ پربھو نے اپنی آنے والی سیریز سیٹاڈل انڈیا کی شوٹنگ مکمل کر لی ہے۔

سامنتھا روتھ پربھو نے سیٹاڈل انڈیا کی شوٹنگ ختم ہوگئی ہے اور اداکارہ نے اپنے انسٹاگرام اسٹوریز پر شوٹنگ کے مکمل ہونے کی خبر کی تصدیق بھی کی ہے۔

دی فیملی مین فیم کے راج اور ڈی کے کی ہدایت کاری میں بننے والی سیٹاڈل انڈیا پرینکا چوپڑا کے سیٹاڈل کا ایک اسپن آف ہے۔ سمانتھا اس سیریز میں ورون دھون کے ساتھ مرکزی کردار ادا کر رہی ہیں، جو ان کا پہلا آن اسکرین تعاون ہے۔

ایک سیلفی شیئرکرتے ہوئے، سمانتھا نے 13 جولائی کو ایک خاص دن قرار دیا۔

سیلفی میں سمانتھا گاڑی میں بیٹھی نظر آئیں اور تصویر کے کیپشن میں 13 جولائی کو ہمیشہ کے لئے خاص دن قرار دیا۔

خیال رہے کہ اطلاعات تھیں کہ اداکارہ سیٹاڈل کی شوٹنگ کے بعد اداکاری سے ایک لمبا وقفہ لینے کی خواہش رکھتیں ہیں جس دوران وہ اپنی صحت پر توجہ دیں گی۔

اداکارہ کے قریبی ذرائع نے بتایا کہ سمانتھا اگست میں کم از کم ایک سال کے وقفے کے لیے امریکہ جائیں گی۔ اس کے وقفے کی وجہ ان کی خود سے قوت مدافعت کی بیماری کے ساتھ جاری جنگ ہے، جس کے لیے وسیع علاج اور تھراپی سیشنز کی ضرورت ہوتی ہے۔ وہ امریکہ میں علاج کروانے کا ارادہ رکھتی ہیں اور طبی مقاصد کے لیے جنوبی کوریا بھی جا سکتی ہیں۔

اس حوالے سے یہ بھی بتایا گیا تھا کہ اداکارہ نے ایڈوانس می لی گئی رقم بھی واپس کردی ہے اور وہ سیٹاڈل کی شوٹنگ مکمل ہونے کے بعد کوئی بھی پراجیکٹ کرنے کی خواہشمند نہیں ہیں۔