بالی ووڈ کے بے تاج بادشاہ شاہ رخ خان کے بڑے بیٹے آریان خان کی بطور ہدایت کار پہلی ویب سیریز’ اسٹارڈم‘ کی جھلک جاری کر دی گئی ہے۔

 شاہ رخ خان کے بیٹے آریان خان نے  ہدایتکاری کا آغاز  کپڑوں کے برانڈ کی تشہر کےلیے اشتہار کی ہدایتکاری کرکے کیا تھا ، اس اشتہار میں کوئی اور نہیں بلکہ آریان کے والد اور بالی ووڈ سپر اسٹار شاہ رخ خان جلوہ گر ہوئے۔

اب ایسا لگتا ہے کہ شاہ رخ خان کے بیٹے آریان خان کی ہدایت کاری میں بننے والی پہلی ویب سیریز’ اسٹارڈم‘ منزل پر پہنچ گئی ہے۔

اسٹارڈم کے سیٹ کی ایک تصویر سوشل میڈیا پر دھوم مچا رہی ہے۔ اس میں عملے کے ایک رکن کو کلپ بورڈ پکڑے دکھایا گیا ہے جس میں آریان خان کا نام بطور ڈائریکٹر لکھا ہوا ہے، جب کہ جے اوزا کا نام ڈی او پی ہے۔