بالی ووڈ فلم انڈسٹری کے مشہور و معروف اداکار ہریتھک روشن نے اپنے ماضی سے متعلق اہم انکشاف کردیا ہے۔

حال ہی میں اپنے دیے گئے ایک انٹرویو میں اداکار ہریتھک روشن کا کہنا تھا کہ وہ اپنی سپر ہٹ فلم ’کہو نا پیار ہے‘ کے بعد اداکاری چھوڑنا چاہتے تھے۔

انہوں نے بتایا کہ جب دو حملہ آوروں نے ان کے والد سینئر اداکار اور ڈائریکٹر راکیش روشن کو گولیاں ماریں تو انہوں نے اداکاری چھوڑنے کا فیصلہ کرلیا تھا۔

ان کا کہنا تھا کہ اس واقعہ کے بعد سے میرا سخت محنت اور دنیا میں موجود اچھائی سے یقین ختم ہوگیا تھا اور میں اس وقت سب کچھ چھوڑ دینا چاہتا تھا جب میرے لیے اچھا ہونے جا رہا تھا۔

معروف اداکار ہریتھک روشن نے کہا کہ یہ مداحوں اور فلم انڈسٹری میں موجود دوستوں کی حمایت، پیار اور خلوص تھا جس نے مجھے ہار نہ ماننے اور حوصلہ نہ چھوڑنے سے روکا۔ مشکل وقت میں مداحوں اور دوستوں نے مجھے احساس دلایا کہ میں تنہا نہیں ہوں۔

خیال رہے کہ ’کہو نہ پیار ہے‘ بالی ووڈ کی مقبول ترین فلموں میں سے ایک ہے، یہ فلم جنوری 2000 میں ریلیز ہوئی تھی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/661326/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/661326/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں