امریکی نژاد معروف بالی ووڈ اداکارہ نرگس فخری نے بتادیا کہ وہ 2 سال قبل کس جان لیوا بیماری میں مبتلا تھیں۔

حال ہی میں اپنے دیے گئے ایک انٹرویو میں اداکارہ نرگس فخری کا کہنا تھا کہ والدین انہیں ڈاکٹر یا استاد بنانا چاہتے تھے اور شروع میں خود بھی ان کا استاد بننے کا شوق تھا۔

ان کا کہنا تھا کہ انہوں نے فائن آرٹس کی تعلیم حاصل کرتے وقت ٹیچر بننے کا سوچا تھا لیکن پھر بعض دوستوں نے انہیں دراز قد اور خوبصورت دیکھتے ہوئے ماڈلنگ کا مشورہ دیا لیکن انہوں نے مشورے کو مسترد کردیا۔

انہوں نے کہا کہ پھر کسی دوست نے انہیں بتایا کہ ماڈل بننے کے بعد وہ دنیا کے متعدد ممالک میں شوز کے لیے جا سکیں گی، جس کے بعد انہوں نے کم عمری میں ماڈلنگ شروع کردی تھی۔

نرگس فخری نے اپنی بیماری سے متعلق انکشاف کیا کہ کورونا سے قبل انہیں ذہنی بیماری ’اوبیسو کمپلسری ڈس آرڈر‘ (Obsessive-Compulsive Disorder) (او سی ڈی) ہوگئی تھی اور انہیں اس سے نکلنے میں دو سال کا وقت لگا۔

واضح رہے کہ یہ ایک ایسی بیماری ہے جس میں انسان کی شخصیت تبدیل ہوجاتی ہے، انہیں زیادہ تر منفی خیالات آنے لگتے ہیں، وہ بلا وجہ خوف کا شکار رہنے سمیت دوسروں کے ساتھ نامناسب رویے کے ساتھ پیش آتے ہیں۔

اداکارہ نے اپنے مداحوں کو مشورہ دیا کہ وہ اپنی جسامت اور طبیعت میں آنے والی تبدیلیوں کا بغور جائزہ لیں اور کوئی بھی پریشانی والی تبدیلی پر ڈاکٹرز سے رجوع کریں۔

ان کے مطابق عام طور پر انسان تھکاوٹ یا کام کے دباؤ کی وجہ سے چھوٹی چھوٹی تبدیلیاں نظر انداز کردیتا ہے جو کہ دراصل کسی بیماری کی پہلی علامات ہوتی ہیں۔

انہوں نے بتایا کہ ان کے ساتھ بھی جب ایسا ہونا شروع ہوا تو انہیں کچھ سمجھ نہیں آ رہا تھا لیکن پھر انہوں نے ڈاکٹروں سے رجوع کیا تو وہ بھی انہیں سمجھ نہیں سکے۔

نرگس فخری کا کہنا تھا کہ انہوں نے اپنی بیماری کی تشخیص کے لیے دنیا بھر کے متعدد ڈاکٹروں سے چیک اپ کروایا لیکن کسی نے ان کی بیماری کی تشخیص نہیں کی لیکن پھر جب انہوں نے ڈاکٹرز سے سوالات کرنا شروع کیے تو ان کا خون درست طریقے سے بن اور کام کر رہا ہے تو پھر ڈاکٹروں نے ان کی بیماری کو پہچانا۔

اداکارہ کے مطابق کافی عرصے تک بعض ڈاکٹر انہیں کہتے رہے کہ انہیں کوئی بیماری لاحق نہیں اور بعض انہیں مشکوک انداز میں بتاتے کہ کچھ نہ کچھ مسئلہ ضرور ہے لیکن کوئی ان کی بیماری کی تشخیص نہیں کر پا رہا تھا۔

نرگس فخری کے مطابق ڈاکٹروں کو ان کی بیماری کی تشخیص کرنے میں کافی وقت لگا اور انہون نے بیماری سے متعلق انٹرنیٹ سے بھی بہت ساری معلومات حاصل کی جو کہ فائدہ مند ثابت ہوئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/690898/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/690898/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں