پاکستان شوبز انڈسٹری کی معروف اداکارہ فریال محمود اکثر سوشل میڈیا پر متحرک نظر آتی ہیں اور اپنی نت نئی تصاویر اور ویڈیوز مداحوں کے ساتھ شیئر کرتی رہتی ہیں لیکن کئی بار انہیں اپنے بولڈ انداز کی وجہ سے تنقید کا سامنا کرنا پڑتا ہے۔

حال ہی میں اداکارہ نے اپنے انسٹاگرام اکاؤنٹ کا رخ کیا جہاں انہوں نے کچھ تصاویر شیئر کیں جسے دیکھنے کے بعد صارفین نے انہیں آڑے ہاتھوں لے لیا۔

شیئر کی گئی تصاویر میں دیکھا جاسکتا ہے کہ فریال محمود نے سیاہ رنگ کا انتاہئی غیر مناسب مغربی لباس زیب تن کیا ہوا ہے جس کی وجہ سے انہیں شدید تنقید کا سامنا کرنا پڑ رہا ہے۔

وائرل تصاویر میں یہ بھی دیکھا جاسکتا ہے کہ فریال محمود نے مسکراتے ہوئی تصاویر بنوائیں جبکہ انہوں نے اپنے بالوں کو کھلا چھوڑا ہوا ہے۔

فریال محمود کی یہ تصاویر سوشل میڈیا پر وائرل ہوئیں تو صارفین کی جانب سے سخت تنقید دیکھنے کو ملی کسی نے ان کے لباس پر تنقید کی تو کسی نے ان کے اس انداز کو بے شرمی قرار دیا۔

واضح رہے کہ فریال محمود نے ڈرامہ سیریل ’لال عشق‘، ’رقیب سے‘، ’داسی‘ اور کئی مشہور ڈراموں میں اپنی اداکاری کے جوہر دکھائے۔