کارتک آریان نے آخر کار چندو چیمپئن کے عنوان سے اپنے اگلے پروجیکٹ کا پہلا پوسٹر شیئر کردیا ہے۔

بھارتی اداکار نے اپنے انسٹاگرام اکاؤنٹ پر اپنی اگلی فلم کے پہلے پوسٹر کو شیئر کیا ہے اور ساتھ ہی اس کی ریلیز کی  تاریخ کی تاریخ کے متعلق بھی اعلان کیا گیا ہے۔

نام اور پوسٹر سے اندازہ ہوتا ہے کہ یہ فلم ایک اسپورٹس ڈرامہ ہونے جا رہی ہے جس کی ہدایت کاری کبیر خان نے کی ہے۔

ایک رپورٹ کے مطابق، فلم کا پلاٹ ایک ایسے کھلاڑی کی زندگی کے سفر کے گرد گھومتا ہے جو کبھی ہار نہیں مانتا۔ پوسٹر پر ٹیگ لائن بھی درج ہے: “ایک ایسے شخص کی سچی کہانی جس نے ہتھیار ڈالنے سے انکار کر دیا۔”

کارتک کی فلم کی شوٹنگ اگلے سال شروع ہوگی۔

یہ پہلا موقع ہے جب کارتک، کبیر اور ساجد ناڈیاڈوالا کسی فلم کے لیے ایک ساتھ کام کر رہے ہیں۔

دریں اثنا، کارتک آریان اب ہندوستان میں ایک نئے ٹیلنٹ کے طور پر ابھر رہے ہیں۔ ان کی نئی فلم، کیارا اڈوانی کے ساتھ ستیہ پریم کی کتھا سینما گھروں میں ناظرین کے دل جیت رہی ہے۔