پاکستان شوبز انڈسٹری کی مشہور و معروف اداکارہ ژالے سرحدی نے کہا ہے کہ پہلی ملاقات میں شوہر پسند نہیں آئے تھے۔

حال ہی میں اپنے دیے گئے ایک انٹرویو میں اداکارہ ژالے سرحدی کا کہنا تھا کہ کیریئر کے آغاز میں ان سے ایک ایسا پروگرام کروایا گیا، جس کا مقصد مرد و خواتین کی شادیاں کروانا تھا لیکن انہیں اس بات کی سمجھ نہیں آئی اور انہوں نے سمجھا کہ پروگرام کا کوئی سماجی مقصد ہوگا۔

اداکارہ نے کہا کہ انہوں نے پروگرام کے دوران کئی مرد و خواتین کو بلا کر ان کی شادیاں کروائیں، جس کے کئی سال بعد لوگ ان سے یہی سوال کرنے لگے کہ کیا انہوں نے بھی مذکورہ میچ میکنگ پروگرام کے دوران شادی کی تھی؟

ژالے سرحدی کے مطابق انہیں ان کے شوہر عامر سے ایک دوست نے ملوایا تھا اور پہلی ملاقات میں انہیں شوہر پسند نہیں آئے تھے لیکن بعد میں ان کے درمیان محبت ہوگئی۔

ان کا کہنا تھا کہ اب ان کی شادی کو 11 سال گزر چکے ہیں اور ان کے شوہر گارمنٹس کا کاروبار کرتے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/778533/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/778533/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں