بھارت کے نامور کامیڈین اور اداکار کپل شرما کی فلم ’’ زویگاٹو ‘‘ ایک اہم سنگ میل عبور کرتے ہوئے آسکر لائبریری میں اپنی جگہ بنانے میں کامیاب ہوگئی ہے۔

فلم کی ہدایت کار نندیتا داس نے اس خبر کا اعلان کرنے کے لیے ایک لمبی پوسٹ شیئر کی۔ دوسری جانب کپل شرما نے بھی اس عظیم کامیابی پر ردعمل کا اظہار کیا۔

کپل شرما، جنہوں نے زویگاٹو میں ڈیلیوری بوائے کا کردار ادا کیا، نے اس خبر پر خوشی کا اظہار کیا۔ اپنی انسٹاگرام اسٹوری پر کامیڈین اداکار نے اظہار تشکر کیا۔

دریں اثنا، زویگاٹو 17 مارچ 2023 کو سینما گھروں میں ریلیز ہوئی۔ اس کا آغاز ٹورنٹو ورلڈ وائیڈ فلم سیلیبریشن میں 2022 میں ہوا۔ اگرچہ زویگاٹو باکس آفس پر کامیاب نہیں ہوئی، لیکن اسے اداکار کی متاثر کن کارکردگی اور اس کی منفرد کہانی کے لیے داد ملی۔

اس فلم میں ایک ایسے شخص کی زندگی کو دکھایا گیا ہے جو کورونا کی وجہ سے فیکٹری فلور مینیجر کی ملازمت سے ہاتھ دھو بیٹھنے کے بعد کھانا ڈیلیور کرنے والے لڑکے کی حیثیت سے کام کرتا ہے۔