دنیا بھر کے چارٹس میں سرفہرست رہنے والی آئرش گلوکارہ سینیڈ او کونر کا 56 سال کی عمر میں انتقال ہو گیا ہے۔

آئرش میڈیا نے ان کے اہل خانہ کے حوالے سے بتایا کہ سنیڈ او کونر، اپنی ہلچل مچا دینے والی آواز، 1990 کے چارٹ ٹاپنگ ہٹ “نتھنگ کمپیئرز 2 یو” اور واضح خیالات کے لیے مشہور آئرش گلوکارہ 56 سال کی عمر میں انتقال کر گئیں۔

ڈبلن میں پیدا ہونے والی، او کونر نے اپنے کیریئر میں 10 البمز بنائے اور 1990 میں ریلیز ہونے والی پرنس کے ‘نتھنگ کمپیئرز 2 یو’ کے لیے مشہور تھیں۔

آئرلینڈ کے وزیر اعظم لیو وراڈکر نے گلوکارہ کو خراج تحسین پیش کرتے ہوئے کہا کہ “ان کی موسیقی کو دنیا بھر میں پسند کیا گیا تھا اور ان کی صلاحیتیں بے مثال اور موازنہ سے باہر تھیں۔”

انہوں نے مزید کہا، “ان کے خاندان، ان کے دوستوں اور ان تمام لوگوں سے تعزیت جو ان کی موسیقی سے محبت کرتے تھے۔”

گلوکارہ سینیڈ او کونر نے 2018 میں اسلام قبول کیا تھا اوراپنا نام بدل کر شہدا رکھ لیا تھا، ان کی موت کی وجہ ابھی تک معلوم نہیں کی جاسکی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/817857/amp/ کو لائک کریں

ٹوئٹر پر ہمیں فالو کریں https://www.bolnews.com/urdu/entertainment/2023/07/817857/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں