پاکستانی ڈرامہ انڈسٹری کی مشہور و معروف اداکارہ ماہ نور بلوچ نے کہا ہے کہ بالی ووڈ کنگ شاہ رخ خان کی شخصیت اچھی ہے مگر وہ خوبصورت ہیں اور نہ ہی اچھے اداکار ہیں۔

حال ہی میں اپنے دیے گئے ایک انٹرویو میں اداکارہ ماہ نور بلوچ کا کہنا تھا کہ کہ شاہ رخ خان ایک بہترین شخصیت کے مالک تو ضرور ہیں تاہم اگر انہیں خوبصورتی کے پیمانے پر ناپا جائے تو ان کا شمار خوبصورت لوگوں میں نہیں ہوتا، ہاں انہیں خود کو مینج کرنا آتا ہے۔

ان کا کہنا تھا کہ شاہ رخ خان اداکاری کے بارے میں نہیں جانتے، یہ میرا نقطہ نظر ہے جو ممکن ہے کہ غلط بھی ہو تاہم میں سمجھتی ہوں کہ شاہ رخ خان کے پاس وہ صلاحیت ضرور ہے جس کی بنیاد پر وہ مداحوں کو خوبصورت لوگوں سے زیادہ متاثر کرتے ہیں۔

اداکارہ نے کہا کہ کہ شاہ رخ خان کو خود کو بیچنا (مارکیٹ) آتا ہے، یہ ضروری نہیں کہ اُن کے مداح میری رائے سے متفق ہوں مگر میں سمجھتی ہوں کہ میرا نقطہ نظر کسی حد تک درست ہے۔

انہوں نے مزید کہا کہ میں نے اپنے کیریئر میں بہت سارے ایسے اداکار دیکھے ہیں جو خوبصورت اور باصلاحیت ہیں مگر وہ کامیاب نہیں ہوسکے۔