پاکستان شوبز انڈسٹری کی معروف اداکارہ ہانیہ عامر اکثر سوشل میڈیا پر متحرک نظر آتی ہیں اور اپنی نت نئی تصاویر اور ویڈیوز مداحوں کے ساتھ شیئر کرتی رہتی ہیں جنہیں مداحوں کی جانب سے خوب پسند بھی کیا جاتا ہے۔

حال ہی میں اداکارہ کی ایک ویڈیو وائرل ہوئی جس میں انہیں جم میں ورک آؤٹ اور باکسنگ کرتے ہوئے دیکھا جاسکتا ہے۔

ویڈیو میں دیکھا جاسکتا ہے کہ ہانیہ عامر نے سیاہ رنگ کا ورک آؤٹ لباس زیب تن کیا ہوا ہے۔

ہانیہ عامر کی یہ ویڈیو سوشل میڈیا پر وائرل ہوئی صارفین کی جانب سے خوب پسندیدگی کا اظہار کیا گیا اور ان کی حوصلہ افزائی بھی کی۔

واضح رہے کہ ہانیہ عامر اس وقت ڈرامہ ’مجھے پیار ہوا تھا‘ میں نظر آرہی ہیں جن کے کردار کو مداحوں کی جانب سے خوب پسند بھی کیا جارہا ہے۔