معروف پاکستانی اداکارہ و میزبان جگن کاظم نے کہا ہے کہ لوگوں نے ’گینڈا‘ کہہ کر میرا مزاق اڑایا تھا۔

حال ہی میں اپنے دیے گئے ایک انٹرویو میں اداکارہ جگن کاظم نے خود پر ہونے والی تنقید پر اور دیگر پہلوؤں سے متعلق کُھل کر بات کی۔

انہوں نے کہا کہ ہم سب لوگوں کی منفی باتیں سُن سُن کر ہی بڑے ہوئے ہیں، ہمارا وزن بڑھتا ہے تو لوگ تنقید کرتے ہیں، پتلے ہوتے ہیں تو لوگ مزاق اڑاتے ہیں، کبھی چہرے کی رنگت اور قد پر تبصرے کیے جاتے ہیں، پاکستان سمیت پورے جنوبی ایشیا میں لوگ ایک دوسرے پر اتنا تبصرہ کرتے ہیں کہ بچپن سے ہی ہم ٹرولنگ کو برداشت کر رہے ہیں۔

ان کا کہنا تھا کہ لوگوں کا کام کہنا ہے وہ تو کہیں گے، اگر آپ اپنی ذات سے خوش ہیں، تو جیسا چاہے آپ رہ سکتے ہیں، مجھے جسمانی طور پر فٹ ہونا پسند ہے اور ورزش کرنا پسند ہے، اس لیے میں محنت کر کے اپنا وزن کم کرلیتی ہوں لیکن جب میں حاملہ ہوتی ہوں تو میں اپنے جسم اور دماغ پر زیادہ محنت نہیں کرتی۔

جگن کاظم کے مطابق سب سے زیادہ زیادتی اور سب سے زیادہ ٹرولنگ میرے ساتھ اس وقت ہوتی ہے جب میں حاملہ ہوتی ہوں۔

انہوں نے کہا کہ 2020 میں میری بیٹی نور کی پیدائش سے قبل جب میں نے سوشل میڈیا پر ایک تصویر پوسٹ کر کے بچے کی جنس کا اعلان کیا تھا تو لوگوں نے مجھے کہا کہ ’ہائے اللہ! آپ تو گینڈا بن گئی ہیں‘۔

ان کا کہنا تھا کہ مجھے معلوم ہے کہ میرا وزن بڑھ گیا تھا لیکن گینڈا بہت سخت الفاظ ہے۔

جگن کاظم کے مطابق لوگوں کی منفی باتیں اور تنقید سن سن کر میں ڈھیٹ ہوگئی ہوں، درحقیقت یہ باتیں مجھ سمیت کئی لوگوں کی ذہنی حالت پر بُرا اثر کرتی ہے، لیکن میرے سوشل میڈیا اکاؤنٹس پر کم لوگ منفی باتیں کرتے ہیں۔

انہوں نے کہا کہ اگر مجھ سے کوئی غلطی ہوئی ہے یا میرے کسی عمل سے لوگوں کو تکلیف پہنچی ہے تو میں معافی منگنے میں پہل کروں گی، میں تسلیم کرتی ہوں کہ اگر میں نے سوچے سمجھے کوئی بات بولی ہے تو میں ہمیشہ معافی مانگنے میں پہل کروں گی، میں انسان ہوں، مجھ سے بھی غلطی ہوسکتی ہے۔

ان کا مزید کہنا تھا کہ سوشل میڈیا ٹرولنگ پر میں اپنے فالوورز کو ویڈیو پیغام کے ذریعے ردِعمل دیتی ہوں، میرے دل میں جو ہوتا ہے وہ میں بول دیتی ہوں، یہ میرے اندر ایک قسم کا آتش فشاں ہوتا ہے تو اچانک پھٹ جاتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/891571/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/891571/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں