پاکستان کی معروف اداکارہ سجل علی کے شادی سے متعلق بیان نے مداحوں کو تشویش میں مبتلا کردیا ہے۔

حال ہی میں پاکستان کی معروف اداکارہ سجل علی کا شادی سے متعلق ایک بیان سامنے آیا ہے جس میں ان کا کہنا ہے کہ انہیں ذاتی طور پر محبت کی شادیاں پسند ہیں، وہ صرف محبت کو پسند کرتی ہیں اور انہیں محبت کی ہی شادیاں اچھی لگتی ہیں۔

انہوں نے کہا کہ شادی پسند کی ہو یا پھر ارینج میریج، دونوں ہی صورتوں میں یہ ایک رسک ہوتی ہے۔

  سجل علی کے اس بیان کی ویڈیو سوشل میڈیا پر خوب وائرل ہو رہی ہے اور صارفین کی جانب سے احد رضا میر کے ساتھ ان کی شادی اور تعلقات پر تبصروں کا سلسلہ جاری ہے۔

واضح رہے کہ ’واٹس لو گاٹ ٹو ڈو وِد اٹ‘ میں سجل علی نے ایک ایسی پاکستانی لڑکی کا کردار ادا کیا ہے، جو ارینج میریج کرکے پاکستان سے برطانیہ منتقل ہوجاتی ہے۔ فلم کی کہانی ایک فلم میکر خاتون کے رومانس کے گرد گھومتی ہے، جو اپنی شادی کے لیے ڈیٹنگ ایپس تک کو بھی آزما کر دیکھتی ہیں مگر انہیں ہمیشہ غلط مرد ہی ملتے ہیں۔