بالی ووڈ کے اداکار وکی کوشل نے اپنی اہلیہ اور بالی ووڈ کی باربی ڈول کے گن گاتے ہوئے کہاکہ کترینہ کیف  نے بھی ہیما مالینی اور ریکھا کی طرح اپنا عہد خود تخلیق کیا۔

اپنے ایک حالیہ انٹرویو میں 35 سالہ اداکار وکی کوشل نے کترینہ کیف کی پرفارمنس کو سراہتے ہوئے کہا کہ آپ ان کا موازنہ سینئر اداکاراؤں ہیما مالینی اور ریکھا سے کرسکتے ہیں۔

ان کا کہنا تھا کہ کترینہ میری پرفارمنس اور ٹریلرز کے حوالے سے درست اور کافی مفید فیڈ بیک دیتی ہیں، جس کی وجہ سے مجھے اپنے کام میں بہتری لانے میں بہت مدد ملتی ہے۔

 ذرا ہٹ کے ذرا بچ کے اداکار کا کہنا تھا کہ جب بات فیصلہ سازی کی ہوتی ہے اور میں پریشان ہوں کہ یہ کروں یا وہ کروں، تو پھر کترینہ مجھے مشاورت فراہم کرتی ہیں اور میں جانتا ہوں کہ انہوں نے کافی اونچ نیچ دیکھ رکھی ہے اور زیادہ تجربہ کار ہیں۔

جب وہ کوئی خیال ظاہر کرتی ہیں تو میں اس پر سنجیدگی سے غور کرتا ہوں، کیونکہ اس میں ذہانت کے ساتھ عملیت بھی ہوتی ہے جو کہ قابل تعریف ہے

واضح رہے کہ وکی اور کترینہ کی دسمبر 2021 میں شادی ہوئی۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/entertainment/2023/07/946753/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/entertainment/2023/07/946753/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں