پاکستان شوبز انڈسٹری کی نامور اداکارہ اور ماڈل  ماورا حسین کی تصاویر سوشل میڈیا پر وائرل  ہو گئی ہیں، جس میں انہوں نے ایک خوبصورت کشمیری دلہن کا روپ دھارا ہواہے۔

حال ہی میں اداکارہ ماورا حسین نے سوشل میڈیا کی فوٹو اینڈ ویڈیو شئیرنگ ایپ انسٹا گرام پر کچھ تصاویر پوسٹ کیں جنہیں مداحوں کی جانب سے خوب پسند کیا جارہا ہے۔

شیئر کی گئی تصاویر میں دیکھا جاسکتا ہے کہ اداکارہ نے گلابی رنگ کا کشمیری مشرقی لباس زیبِ تن کیا ہوا ہے جس میں وہ بہت خوبصورت لگ رہی ہیں۔

یہ بھی پڑھیں: اداکارہ ماورا حسین نے عمرے کی سعادت حاصل کرلی

واضح رہے کہ ماورا حسین کا نیا سیریل ’نیم‘ نجی ٹی وی نشر کیا جائے گا جس میں وہ اداکار و مشہور یوٹیوبر ارسلان نصیر اور اپنے بیسٹ فرینڈ اداکار امیر گیلانی کے ساتھ ایک بار پھر اداکاری کے جوہر دکھاتی نظر آئیں گی۔