پاکستان کی معروف اداکارہ و ٹک ٹاکر رومیسہ خان نے بتادیا ہے کہ انہیں شادی کیلئے کیسے لڑکے کی تلاش ہے۔

حال ہی میں اداکارہ نے ایک نجی ٹی وی چینل کے شو میں شرکت کی جہاں انہوں نے اپنی آنے والی فلم کے علاوہ دیگر موضوعات پر گفتگو کی۔

شو کے دوران انہوں نے شادی کے حوالے سے میزبان کے ایک سوال کا جواب دیتے ہوئے کہا کہ مجھے لگتا ہے کہ دو لوگ آپس میں شادی اس لیے کرتے ہیں کیونکہ ان کی ذہنیت ایک دوسرے سے ملتی ہے۔

انہوں نے کہا کہ لیکن ضروری نہیں ہے کہ ایسا ہمیشہ ہو کیونکہ آخر میں آپ اسی شخص سے شادی کرتے ہیں جس سے آپ شادی کرنا چاہتے ہیں پھر چاہے آپ کی ذہنی ہم آہنگی ہو یا نہ ہو۔

اداکارہ نے میزبان کی جانب سے کیے گئے سوال پر اپنے جیون ساتھی کی خوبیاں بتاتے ہوئے کہا کہ پتا نہیں لوگوں کو میری لو لائف میں اتنی دلچسپی کیوں ہے لیکن مجھے ایک ایسے شخص کی تلاش ہے جو خاندان کو ساتھ لے کر چلے، کھانا پکانا آتا ہو کیونکہ کھانا پکانا بنیادی ہنر ہے سب کو آنا چاہیے اور مجھ سے محبت کرے۔